Tədbirdə ATU-nun Biokimya kafedrasının müdiri, professor Gülnarə Əzizova çıxış edərək professor S.Cavadovun elmi yaradıcılığı haqqında məlumat verib. Qeyd edib ki, Böyük Britaniya Kral Cəmiyyətinin üzvü olan S.Cavadov yüzlərlə elmi məqalənin müəllifi, eksperimental kardiologiya, o cümlədən ürək çatışmazlığının molekulyar və hüceyrə mexanizmlərinin öyrənilməsi sahəsində tanınmış alimdir.

Sonra professor S.Cavadov “Ferroptoz – hüceyrənin yeni ölüm mexanizmi: mitoxodrida rolu” mövzusunda təqdimatla çıxış edib. Alim bildirib ki, ferapptoz dəmir asılı yeni hüceyrə ölümü mexanizmidir. Onun sözlərinə görə,istənilən xəstəlik zamanı hüceyrənin ölüm mexanizmini öyrənmək elm üçün vacibdir.

S.Cavadovun son illərdə apardığı elmi araşdırmalara əsaslanan mühazirəsi ATU-nun auditoriyası tərəfindən maraqla qarşılanıb.