Tibbdə şok xarici təsirlər səbəbindən qan dövranının kəskin pozulmasıdır. Bu zaman dövr edən qanın həcmi və ya hərəkət sürəti, yaxud da qan təzyiqi kəskin enir. Müvafiq tibbi tədbirlərin görülməsi ilə şokun inkişaf etməsinin qarşısı alınmazsa, xəstə 5-30 dəqiqə ərzində boğulmadan və ya 24-48 və daha artıq saat ərzində müxtəlif orqanlarda baş verən ağır geriyədönməz dəyişikliklər nəticəsində həlak ola bilər.