Bu barədə Aztibb.az-a HTC Cliniva Hospitalın ümumi cərrahı, proktoloq və endoskopisti Anar Əliyev məlumat verib.

əkim vacib məqamları diqqətə çatdırıb. Anar Əliyev bildirib ki, bu vəziyyət çox vaxt uzunmüddətli yanlış vərdişlər nəticəsində yaranır. Bir çox insan qəbizliyi tez həll etmək üçün laksativlərə (ishalverici dərmanlara) müraciət edir.

 

"Problem burasındadır ki, tez-tez və nəzarətsiz istifadə zamanı bağırsaq “öyrəşə” bilər, normal peristaltika (hərəkət) zəifləyə bilər. Həmçinin təbii boşalma refleksi ləngiyə bilər. Nəticədə insan dərmansız defekasiya edə bilmədiyini hiss edir", - deyə o, əavə edib.

 

Real risklər nədir?

Uzunmüddətli və yanlış istifadə zamanı:

Bağırsaq asılılığı hissi

— “dərmansız olmur” düşüncəsi yaranır

 

Elektrolit pozğunluğu

— xüsusilə kalium azalması

— halsızlıq, ürək ritm pozğunluğu riski

 

Susuzlaşma

— maye itkisi artır

Normal refleksin zəifləməsi

— bağırsağın təbii boşalma mexanizmi ləngiyir.

 

 

Anar Əliyev qeyd edib ki, laksativlər hər zaman zərərli deyil, Lakin onlar həkim nəzarəti ilə, qısa müddətli, səbəb araşdırıldıqdan sonra istifadə edilməlidir. Əgər qəbizlik uzunmüddətlidirsə səbəb araşdırılmalıdır (qidalanma, stress, hormonal faktorlar və s.). Bununla yanaşı,  həyat tərzi düzəldilməli, lazım gələrsə mütəxəssis planı tətbiq olunmalıdır. Bağırsaq “tənbəlliyi” çox vaxt bağırsağın problemi deyil, ona verilən yanlış vərdişlərin nəticəsidir.