Tələbə dekan - Yusif Xəlil
13.07.2022 11:30

Yusif Xəlil Azərbaycan Tibb Universitetinin II Müalicə-profilaktika fakültəsinin 4-cü kursunda oxuyur. Eyni zamanda, adıçəkilən fakültənin tələbə dekanıdır.

 

Yusif Şəki şəhər Fizika-Riyaziyyat və Humanitar Təmayüllü Liseyini qızıl medalla bitirib. Liseydə oxuduğu dövrdə aktivliyi ilə digər şagirdlərdən fərqlənib. Həm liseyin keçirdiyi tədbirlərdə, debatlarda fəal iştirak edib, həm də şagirdlərlə işin təşkilinə xüsusi maraq göstərib. Öz arzusu ilə həkim peşəsini seçib və elə bu arzu ilə də ATU-ya daxil olub.

 

Y.Xəlil Əsasnaməyə uyğun olaraq, Elmi Şurada, iclaslarda, konfranslarda tələbələri təmsil edir. Tələbələr, tələbə təşkilatları və fakültə rəhbərləri ilə birlikdə tədbirlərin və elmi konfransların təşkilinə yardımçı olur. Tələbələrin konfranslara, tədbirlərə cəlb olunması istiqamətində də lazımi işlər görür. Fakültə rəhbərliyi ilə birgə isə tələbələrin tədrisdə, ictimai işlərdə yaranan problemlərinin qaydasına qoyulmasına çalışır.