Aztibb.az "Gələcəyimizin ən yaxşı həkimləri" rubrikasını təqdim edir.
2016-cı ildə Azərbaycan Tibb Universiteti (ATU) Hərbi Tibb Fakültəsinə qəbul olan Cavid Heybətov bu il universiteti fərqlənmə diplomu ilə bitirib. O, Azərbaycan Respublikasının müdafiə naziri, general-polkovnik Zakir Həsənovun əmri ilə, birbaşa “baş leytenant” rütbəsi ilə təltif edilib.
Beləliklə, C.Heybətov fakültənin "Şərəf" kitabına düşən ilk tələbə olub.
Qeyd edək ki, Azərbaycan Tibb Universitetinin Hərbi Tibb Fakültəsi Ulu Öndər Heydər Əliyevin 25 may 2000-ci il tarixli 425 nömrəli Sərəncamına əsasən yaradılmış və Hərbi tibbi təhsilinin bütün formalarının Azərbaycan Tibb Universitetinin Hərbi Tibb Fakültəsində mərkəziləşdirilməsi məqsədilə Azərbaycan Respublikası Müdafiə nazirinin 10 dekabr 2000-ci il 0128 nömrəli əmri ilə Tibb Heyətinin təkmilləşdirilmə kursları və Hərbi Tibb məktəbi (2017-ci ilin aprel ayından Feldşer Hazırlığı kursu adlandırılmışdır) də Azərbaycan Tibb Universiteti Hərbi Tibb Fakültəsinin tərkibinə daxil edilmişdir.
