Milli Hematologiya və Transfuziologiya Mərkəzinin Talassemiya bölməsində "Novartis" şirkətinin dəstəyi ilə “Azərbaycanda Beta talassemiyalı pasiyentlərdə xelat terapiyası ilə bağlı mövcud vəziyyətin müəyyən edilməsi“ mövzusunda Ekspert Şurasının dəyirmi masası keçirilib.

 

Aztibb.az xəbər verir ki, proqrama uyğun olaraq talassemiyalı pasiyentlərdə həddindən artıq dəmir yüklənməsinin klinik əhəmiyyətini, həmçinin dəmir yüklənməsinin qarşısının alınması və müalicəsi üçün yeni üsullar müəyyən edərək göstərilən xidmətlərin daha da yaxşılaşdırılması istiqamətində və bir çox mövzularda fikir mübadiləsi aparılıb.

 

İclasda Mərkəzin icraçı direktoru və iclasın moderatoru Valeh Hüseynov xüsusi olaraq qeyd edib ki, talassemiyalı pasiyentlərin müalicəsində və bu istiqamətdə yeni müalicə üsullarının tətbiq edilməsi baxımından geniş işlər görülməkdədir. Talassemiya Mərkəzində göstərilən xidmət səviyyəsinin regionlarda da təmin olunması bildirilərək bu istiqamətdə atılacaq addımlar barədə ekspertlərlə fikir mübadiləsi aparılıb və talassemiyalı pasiyentlərə göstərilən xidmətin yaxşılaşdırılması istiqamətində mühüm qərarlar alınıb

 

Daha sonra iclas proqrama uygun olaraq Ekspert Şuranın ekspertlərinin müzakirələri ilə davam etdirilib