İyulun 17-də AMEA-nın Zoologiya İnstitutunun magistratura pilləsində “Onurğalılar zoologiyası” ixtisası üzrə təhsil alan I kurs magistrantı Nigar Vəliyevanın təhsil ilinin 2-ci semestrində gördüyü işlərin qiymətləndirilməsi məqsədilə attestasiyası keçirilib.
“Zoom” platforması üzərindən baş tutan tədbir attestasiya komissiyanın sədri, institutun direktoru vəzifəsini icra edən, biologiya elmləri doktoru Elşad Əhmədov, komissiya üzvləri – biologiya elmləri doktoru Qiyas Quliyev, biologiya üzrə fəlsəfə doktorları Sara Əliyeva, Səbinə Bünyatova və Türkan Qurbanovanın iştirakı ilə keçirilib.
Gənc tədqiqatçı elmi rəhbəri – Quru onurğalıları laboratoriyasının əməkdaşı Nicat Həsənovla birgə dissertasiya işi üzrə gördüyü işlər barədə məlumat verib. O, mövzu ilə bağlı verilən sualları cavablandırıb.
Sonra attestasiya komissiyası üzvlərinin təklif və tövsiyələri dinlənilib. Magistrant komissiyanın qərarı ilə növbəti tədris ilinə buraxılıb.