Aztibb.az-ın "Həkimlərimizi tanıyaq!" rubrikasının budəfəki qonağı Sumqayıt Tibb Mərkəzinin tabeliyində olan Usaq Xəstəxanasının uşaq cərrahı, tibb üzrə fəlsəfə doktoru Rəfail Soltanovdur.

 

Rəfail Soltanov 1972-ci ildə Biləsuvar rayonunda anadan olub. 1989-1995-ci illərdə Azərbaycan Dövlət Tibb Universitetinin Pediatriya fakültəsində təhsil alıb və uşaq cərrahı ixtisasına yiyələnib.

 

O, 1995-ci ildə Sumqayıt Usaq Xəstəxanasında uşaq cərrahı kimi əmək fəaliyyətinə başlayıb. 1998-2000-ci illərdə MTN SQ TXBL-da uşaq cərrahı vəzifəsində çalışıb.

 

2009-2012-ci illərdə Türkiyənin Ege Universitetində təhsilini davam etdirib.

 

Rəfail Soltanov 2000-2018-ci illərdə Sumqayıt Uşaq Xəstəxanasının Cərrahiyə şöbəsində işləyib.

 

2017-2021-ci illərdə elmi araşdırma ilə məşğul olub. O, “Uşaqlarda sidiklik sidik axarı reflyuksunun kompleks müalicəsinin nəticələrinin müqayisəli qiymətləndirilməsi” mövzusunda dissertasiyası işini uğurla müdafiə edərək, tibb üzrə fəlsəfə doktoru elmi dərəcəsinə yiyələnib.

 

Cərrah həkim Türkiyə, Rusiya və Avropa ölkələrində dərc olunmuş 17 elmi məqalə və tezisin müəllifidir. Elmi işində 1 yeni modifikasiya uşaqlarda SSAR-in endoskopik korreksiyasına yenilik gətirib.