TƏBİB, Azərbaycan Respublikası Səhiyyə Nazirliyi, K.Y.Fərəcova adına Elmi-Tədqiqat Pediatriya İnstitutu və Respublika Perinatal Mərkəzinin birgə təşkilatçılığı ilə 1 İyun - Uşaqların Beynəlxalq Müdafiəsi Gününə həsr olunmuş həkimlər və tibb bacıları üçün konfrans keçirilib.

 

Aztibb.az xəbər verir ki, konfransın açılış mərasimi Azərbaycan Respublikasının Dövlət Himni və uşaqların rəqsi ilə başlayıb.

 

Öncə “Tibbi Ərazi Bölmələrini İdarəetmə Birliyi”nin (TƏBİB) İdarə Heyətinin sədri vəzifəsini icra edən Vüqar Qurbanov, K.Y.Fərəcova adına Elmi-Tədqiqat Pediatriya İnstitutunun direktoru t.ü.f.d.Allahverdi Musayev, Azərbaycan Tibb Universiteti t.e.d., prof. Səfixan Həsənov, Respublika Perinatal Mərkəzin direktoru t.ü.f.d. Məryam Rzayeva çıxışlar ediblər, tədbirdə iştirak edən uşaqlara hədiyyələr təqdim olunub.

 

Mütəxəssislərin təqdimatları ilə davam edən konfransın ikinci hissəsində müasir tibbdə olan yeniliklərdən bəhs olunub.

 

Tədbir 7 bal ilə akkreditasiya olunub, iştirakçılara sertifikat təqdim edilib.

 

Sonda "Neonatalogiyanın İnkişafına Yardım" İctimai Birliyinin yaradılması haqqında tədbir iştirakçılarına məlumat verilib. Birliyi yaratmaqda məqsəd tibbin neonatologiya sahəsinin öyrənilməsi, təbliği və inkişafına yardımçı olmaqdan ibarətdir.