"Qazilərə hörmət, evində xidmət" şüarı ilə aksiya keçirilir
23.01.2022 21:20

Sağlamlığa Xidmət İctimai Birliyi Azərbaycan Vərəm Əleyhinə QHT Koalisiyasının əməkdaşları ilə birgə "Qazilərə hörmət, evində xidmət" şüarı altında ağciyərlərin rentgen müayinəsi aksiyasına start verib.

 

Aztibb.az xəbər verir ki, aksiya ilkin olaraq Sabunçu rayonunda baş tutub.

 

Aksiyada 20-dən çox qazi və şəhid ailəsi üçün öz evində pulsuz Yapon istehsalı olan ən müasir portativ FDR X-Air adlı süni intelektə malik Rentgen aparatı ilə ağciyərlərin müayinəsi həyata keçirilib. Müayinə olunanlardan 2 nəfərin ağciyərində patologiya aşkar edilib. Həmin şəxslərə gecikdirmədən əlavə müayinə və müalicə üçün həkimə müraciət etmələri məsləhət görülüb.