Həkim reportajı: Kirpiklərimizin tökülməsi xəstəliklərə yol açır

Həkim reportajı: Kirpiklərimizin tökülməsi xəstəliklərə yol açır

23.01.2022 19:03

Kirpiklər gözəllik rəmzi olsa da, onları yaradan təkcə gözəllik üçün yaratmayıb. Ona görə də, kirpiklərin fərqli vəzifələri var.

Üst qapaqda 90-150 qədər kirpik olur, alt qapaqda isə bu say 70-80-ə çatır.

Kirpiklərin uzunluğu 10 mm qədər çata bilər. Göz qapaqlarında kirpiklərimizin köklərindən başqa bəzi piy vəziləri də yerləşir. Bu vəzilərin vəzifəsi kirpiklərin kökünü, qapaqların kənarını, həmçinin buynuz qişanın səthində yağlamaq ilə çox mühüm vəzifə daşımaqdadır. Kirpiklər qapaqla birgə bu piy qatını buynuz qişanın səthində tam bərabər yayılmasına kömək edir.

Biz yaşa dolduqca kirpiklərimiz tökülərək azalır və onların kökü məhv olur. Piy vəziləri də yaşın təsiri altında dəyişməyə məruz qalır. Siz qocalarımızın dəsmalla gözlərini sildiyini dəfələrlə görmüsünüz. Buna səbəb göz yaşı vəzinin ifraz etdiyi göz yaşının yetməməsi göstərilir və bunun nəticəsi olaraq, yaş vəzilərin gözü tək başına quruluqdan qoruması çətinləşir. Kirpiksiz qapaqların necə qəribə goründüyünü, qalınlaşmasının yəgin ki, şahidi olmusunuz.

Dediklərimizdən belə nəticəyə gəlmək olar ki, kirpiklərimiz və göz qapaqlarımızı qorumaq dişlərimizi qorumaq kimi mühümdür. Kirpiklərimizin tökülməsi çox xəstəliyin baş qaldırmasına işarədir. Bu siyahı dəri xəstəliklərdən tutmuş sifilisə qədər uzanır. Kirpiklərdə parazitlər, gənələr belə yaşaya bilir. Qaşınma isə bu xəstəliyin çox vaxt yeganə əlamətidir. Kirpiklərimizin rənginin dəyişməsi, uzanması da yaxşı əlamət deyil. Keyfiyyətsiz kosmetika da kirpiklərimiz üçün zərərlidir.

Biz dişlərimizi gündə iki dəfə yumalıyıqsa, göz qapaqlarını bir o qədər də gigiyenasına fikir verməliyik. Apteklər külli miqdarda şampun və dərman vasitələrini biz alıcıların istifadəsinə təqdim edir. Əslində kirpiklərin öz şampunu var. Yəqin ki, bunu çoxunuz bilmirdiz. Kirpikləri qorumaq vacibdir. Onların tökülməsi, uzanması, rənginin dəyişməsini müşahidə etsək mütləq həkimə müraciət etmək lazımdır.