Tədris Terapevtik Klinikası şəhid ailələri və qazilər üçün aksiya təşkil edib - FOTO
21.01.2022 15:41
Ödənişsiz müayinə aksiyasında Bakı ilə yanaşı, bölgələrdən gələnlər də iştirak edib, onlara müvafiq müalicələr təyin olunub.
 
Aztibb.az xəbər verir ki, yanvarın 18-də Azərbaycan Tibb Universitetinin Tədris Terapevtik Klinikasında şəhid ailələri, qazilər və qazi ailələri üçün ödənişsiz müayinə aksiyası təşkil olunub. Bu kateqoriyadan olan şəxslər həkim baxışı ilə yanaşı, qanın ümumi analizi+ECS, sidiyin ümumi analizi, qanda şəkər, döş qəfəsinin rentgenoskopiyası, EKQ, USM, o cümlədən laborator və instrumental müayinələrdən də tam ödənişsiz keçiblər.
 
Aksiya çərçivəsində 86 nəfər bu kateqoriyadan olan insanlara tibbi xidmət göstərilib. Laborator və instrumental müayinələrdə Klinikanın həkimləri və tibb bacıları fəal iştirak ediblər.