Bir sual, bir cavab – Uşaqlarda helmintozlar (qurd xəstəlikləri) haqqında nəyi bilmək lazımdır? - aztibb.az AZƏRBAYCANIN SƏHİYYƏ XƏBƏR PORTALI

Bir sual, bir cavab – Uşaqlarda helmintozlar (qurd xəstəlikləri) haqqında nəyi bilmək lazımdır?

10.01.2022 16:44

Müxtəlif mənbələrdən və səbəblərdən uşaqların orqanizminə parazit və helmintozun daxil olması onlar üçün ciddi təhlükədir.

Qurdlar zamanla toxuma üzvlərini zəhərləyərək, maddələr mübadiləsini pozaraq, orqanizmdən qida mənbəyi kimi istifadə edib, artıb çoxalaraq digər xəstəliklərin əmələ gəlməsinə səbəb olur.

Bütün yaş qruplarında rast gəlinsə də, bu xəstəlik uşaqlar arasında daha çox görülməkdədir. Uşaq orqanizmi, immuniteti bəzən elə helmintoz xəstəliyi səbəbindən zəifləyir.

Parazitin orqanizmə daxil olması ağız yolu ilə baş verir. Adətən körpə uşaqlar ətraf mühiti qavrama üçün əşyalara ağızları ilə toxunur. Bu zaman natəmiz əşyalardan parazitlərə yoluxma tez baş verir.

Eyni zamanda, xəstəlik dırnaq yemə, çirkli əllər, əllərin düzgün yuyulmaması, gigiyenik qaydalara riayət edilməməsi nəticəsində yaranır.

Müxtəlif orqanlara yayılan qurdlar orqanizmdə müxtəlif pozulmalara səbəb olur.

Bəs uşaqlarda qurd əlamətləri hansılardır?

Əgər uşaqda yorğunluq, öüzünü əzgin və halsız hiss etmə əlaməti varsa bu, qurd xəstəliyi ola bilər. Yaxud ishal olarsa, qida qəbulundan sonra mədə-bağırsaqda köpmə, tez-tez qida zəhərlənmləri baş verərsə, dəridə qaşınmalar, səpgilər, gecələr yuxuda diş qıcanmalar və qəfil oyanmalar rastlanırsa, bunlar qurd xəstəliklərinin əlaməti hesab olunur.

Uşaqlarda askarid orqanizmi üçün daha təhlükəli parazitdir. Çünki onun sürfə mərhələsi ağciyərdə olur. Askarid ağ ciyərdə iltihab yaratdığı üçün uşaqlarda öskürək kimi əlamət də verir. Bir askarid bədəndə daha ciddi fəsad törədə bilər.

Uşaqlarda qurd xəstəliklərinin dəqiq müayinəsi vacibdir. Bunu isə valideyn özbaşına yox, həkim nəzarəti ilə etməlidir. Onun müalicəsi də həkim pediatr və ya parazitoloq tərəfindən aparılır. Aşkar olunmuş parazitdən asılı olara müxtəlif dərmanlardan istifadə olunur.