Həkim reportajı: 8 səbəb ürəkgetməsinə əsas yaradır

Həkim reportajı: 8 səbəb ürəkgetməsinə əsas yaradır

10.01.2022 15:12

Gözlər qəfil qaralır və adam çaşqın halda yerə yıxılır. Demək olar ki, hər yaşda və istənilən mühitdə yarana bilən problemin adı cəmiyyətdə ürəkgetmə, huş itirmə olaraq bilinən senkopdur.

Huşunu itirmə qan axınının və ya beynin oksigenləşməsinin azalması nəticəsində yaranan müvəqqəti şüur itkisi kimi müəyyən edilir.

Araşdırmalara görə beyinə qan axınının 6-8 saniyə dayanması və ya sistolik (yüksək qan təzyiqi) qan təzyiqinin 66 mmHg-dən aşağı düşməsi ürəkgetməsinə səbəb ola bilər.

Ürək-damar xəstəlikləri

Damarların tıxanması, sərtliyi kimi ürək-damar xəstəlikləri ürəkgetmənin ilk səbəblərindəndir. Əgər huşunu itirmə faktorunun ürək mənşəli olduğunu müəyyən etmək mümkün deyilsə, xəstəlik irəliləyir və infarkt kimi həyat üçün təhlükəli nəticələr yarana bilər.

Reflekslər

Bəzən gözlənilməz reflekslərimiz nadir hallarda ürəkgetmə ilə nəticələnə bilər. Asqırma, öskürək, ağlama, sidiyə getmə, həddindən artıq qorxu və ya gülüş kimi hallar beynə gedən oksigen miqdarını azaldaraq, huşunu itirməyə səbəb olur.

Stress

Emosional stress adi görünsə də huşunu itirmə zamanı ciddi fiziki travma və pis nəticələrə səbəb ola bilər. Şok kimi faktorlar və ya hər hansı bir vəziyyətdə həddindən artıq narahatlıq və qorxu kimi faktorlar nəticəsində beyində qan axını azaldıqda ürəkgetməsi baş verir.

Damarların tıxanması

Beynin və damarların tıxanması ürəkgetmənin ciddi səbəblərindən biridir. Bu, xüsusilə iri damarların tıxanmaları nəticəsində inkişaf edir.

Aşağı qan şəkəri

Huşunu itirmə hipoqlikemiyası olan diabetli xəstələrdə ümumi bir problemdir. Bu hal tərləmə və ağız quruluğu ilə müşayiət olunur.

Zəhərlənmələr

Tənəffüs yolu ilə zəhərlənmələr də tez-tez huşunu itirməyə səbəb olur. Bunlar zəhərli kimyəvi qazlar, məişət təmizləyici məhsullar və boyalar ola bilər.

Epilepsiya

Beyində elektrik boşalması səbəbiylə ürəkgetmə yaşanır. Bu, adətən qol və ayaqlarda rast gəlinməyən narahatlıqlar, dili dişləmə, xırıltı və sidik qaçırma ilə müşayiət olunur.

Dərmanların əks təsirləri

Bəzi dərmanların yan təsirləri də ürəkgetməyə səbəb ola bilər. Belə olduqda mütləq şəxsin istifadə etdiyi dərmanlar yoxlanılmalıdır.

Nevroloq Elvan Akkılıç

Aztibb.az