Güclü orqanizm üçün vacib müdafiə - B12 vitamini - aztibb.az AZƏRBAYCANIN SƏHİYYƏ XƏBƏR PORTALI

Güclü orqanizm üçün vacib müdafiə - B12 vitamini

09.01.2022 20:15

B12 vitamini B vitamin qrupunun səkkiz vitaminindən biridir.

Aztibb.az xəbər verir ki, digər B-vitaminlərinin ehtiyatları daha əvvəl istehlak edilmiş olsa belə qaraciyərimiz bu vitamini uzun müddət və lazım olduqda qana geri buraxa biləcək miqdarda saxlayır.

B12 vitamini ilə müqayisədə, onlar istifadə və ya ifraz olunana qədər bizim bədənimizdə qısa müddət qalır. Buna görə, B12 vitamininin az təmin edilməsi və ya həzm traktında absorbsiyanın pozulması yalnız bir müddət sonra hiss olunur.

Kobalamin kimi tanınan B12 vitamini, müxtəlif metabolik funksiyalara malikdir. O, homosistein səviyyəsini aşağıda saxlamağa kömək edir və bununla ürək və qan damarlarını qoruyur. O, hüceyrələrin bölünməsi və qanın yaranmasında iştirak edir və sinirlərin normal fəaliyyəti üçün vacibdir.

Körpə və uşaqlara böyümələrinə görə çox miqdarda B12 vitamini lazım olur. Onlar diqqətli valideynlərin təmin etməli olduğu B12 vitamininin kifayət qədər təchizatından asılıdırlar.

Yaşlı insanlar və veqanlar xüsusilə B12 vitamini çatışmazlığından əziyyət çəkirlər. Veqanlar heyvan mənşəli qidaları istisna edən nataraz qidalanma səbəbindən B12 vitamininin kifayət qədər alınmaması riskinə məruz qaldığı halda, yaşlı insanlar çox vaxt B vitamininin absorbsiyasının pozulmasından əziyyət çəkirlər.

Diabet, böyrək çatışmazlığı və ya ağıl zəifliyi kimi xroniki xəstəliklərdən əziyyət çəkən insanlarda da B12 absorbsiyası pozulmuş olur.

Mədə selikli qişasının iltihabı və ya mədə-bağırsaq traktının digər xəstəliklərindən əziyyət çəkən insanlar özləri vitaminin sorulması üçün lazım olan mühüm maddələri sintez etmək iqtidarında olmurlar, belə ki, təmin olunan B12 vitamininin bir hissəsi yenidən istifadə olunmamış halda ifraz olunur.

B 12 vitamini defisiti geri dönən, həll olunan vəziyyətdir. Müxtəlif dərmanlar, qida əlavələri və vitaminin özünü qəbul etməklə, qısa müddətdə qaldırmaq olar.

B12 vitaminini tam miqdarıda almaq üçün mütəxəssislər daha çox qırmızı ət, yumurta, süd məhsulları və balıq yeməyi məsləhət görürlər.