Təhlükəli damğası vurulan palma yağı: Həqiqətən zərərlidir?

Təhlükəli damğası vurulan palma yağı: Həqiqətən zərərlidir?

09.01.2022 18:39

Palma, soya, raps və günəbaxan yağları bütün dünyada ən çox istifadə olunan bitki yağlarıdır.

Haddında cəmiyyətdə mənfi fikir formalaşmış palma yağının istehsalı və istifadəsi bütün dünyada ildən ilə artır.

Bu yağın təhlükəli və ziyanlı olması barədə çox eşidirik. Lakin bu heç də belə deyil.

Palma yağı Afrika palmasından alınır. Bu yağın istehsalı ilə əsasən Malayziya və İndoneziya ölkələri məşğul olur.

Palma yağının meyvəsi bərk qabıqlı olur və bu qabığın altında yumşaq lifli meyvə ləti yerləşir. Məhz bu meyvə lətindən palma yağı istehsal olunur.

Təzə sıxılmış palma yağı sarı-narıncı rəngdə olur və xoş dad verir. Yağın ətri bənövşə gülünün ətrinə bənzəyir. Təzə sıxılmış yağ yalnız texini yağ kimi kosmetika, sabun, diş pastası, kremlər və s. məhsulların istehsalında istifadə olunur.

Qida sənayesində isə emal olunmuş və təmizlənmiş palma yağından istifadə edilir.

80% qida sənayesində istifadə olunan palma yağı dondurmanın, şokoladın, çipslərin, hazır sıyıqların, un məmulatlarının (peçenye, vafli, tortlar və s.) istehsalında bütün dünyada çox geniş faydalanılır.

Palma yağı bir çox süni uşaq qidalarının da tərkibinə daxildir. Süni süd qidalarının istehsalına və keyfiyyətinə bütün dünyada çox ciddi nəzarət edilir. Bu qidalarda keyfiyyətsiz, ziyanlı, toksik maddələrin və xammalın istifadəsi mümkün deyil. Əgər belə hadisə baş verərsə, bu dünya səviyyəsində böyük qalmaqala səbəb olacaq.

Qida üçün nəzərdə tutulmuş palma yağının tərkibində təhlükəli trans yağlar yoxdur. Yeri gəlmişkən, palma yağı ilə müqayisədə daha tez-tez istifadə etdiyimiz marqarin trans yağlarla olduqca zəngindir. Lakin buna baxmayaraq insan sağlamlığı üçün həqiqi təhlükəli olan marqarin nədənsə geniş tənqid edilmir.

Yağların ən faydalı hissəsi polidoymamış yağ turşularıdır. Palma yağında bu xeyirli maddələrin miqdarı digər bitki yağlarla müqayisədə daha azdır, lakin, misal üçün, kərə yağı ilə müqayisədə daha çoxdur. Həmçinin palma yağı E vitamini ilə də zəngindir.

Beləliklə, qida üçün nəzərdə tutulmuş (xüsusi təmizlənmiş və emal olunmuş) palma yağını ziyanlı və təhlükəli hesab etmək düzgün deyil.

"Наука и жизнь" jurnalı

Aztibb.az