Axalaziya xəstələrinin şikayətləri 90/100 disfagiya, yəni yəni udqunmanın çətinləşməsidir.
Aztibb.az xəbər verir ki, xəstəliyin digər əlamət kilo itkisi, requrqitasiya – yəni qidanın geri qayıtması, sinə ağrısı və döş sümüyü arxasında yanma, göynəmə hallarıdır.
Bu xəstələr mütləq şəkildə endoskopiya olunmalıdır. Əgər endoskopiyada hər hansı bir orqanik patologiya yoxdursa, bu xəstələr mütləq müəyyən olunmuş xüsusi müayinədən keçməlidirlər.
Xəstəliyin diaqnostikası zamanı axalaziyanın 3 sub-tipi müəyyənləşdirilir. 3-cü tip müalicəyə ən çətin tabe olan tiplərdəndir.
Axalaziyanın bu gün üçün müalicə növləri mümkündür. Burada xəstənin yaşı, axalaziyanın tipi rol oynayır. Bu gün üçün cərrahi olaraq heller miotomi, peroral endoskopik miotomiya, balon dilatasiyası mümkündür və ən son hallarda bu müalicələrə uyğun olmayan və yaşı yuxarı olan yaşlı xəstələrdə axalaziyanın botulinum toksini ilə inyeksiyası mümkündür.
Axalaziyanın diaqnostikasında barium ezofaqroqram müayinəsindən də istifadə olunur.
Bütün bunları nəzərə alaraq axalaziyanın diaqnostikası qızıl standart olaraq yüksək çözünürlüklü ezofaqus manometriyasıdır. Manometriya əsasında xəstəyə diaqnoz qoyulur, sub-tipi müəyən olunur və müalicə üsulu həyata keçirilir.