Cəlilabad rayonunda tibbi aksiya təşkil olunub
31.12.2021 09:29

Vətən müharibəsində torpaqlarımızın azadlığı uğrunda canlarından keçərək şəhidlik zirvəsinə ucalan qəhrəmanlarımızın ailə üzvləri və qazilərimiz üçün növbəti tibbi aksiya Cəlilabad rayonunda təşkil olunub.

 

Aksiya “Regional İnkişaf” İctimai Birliyi (RİİB), Tibbi Ərazi Bölmələrini İdarəetmə Birliyi (TƏBİB), Azərbaycan Könüllü Həkimlər Assosiyasiyası və Azərbaycan Tibb Universitetinin Onkoloji Klinikasının birgə təşkilatçılığı ilə reallaşıb.

 

Cəlilabad Rayon Mərkəzi Xəstəxanasında keçirilən aksiya Cəlilabad və ətraf rayonlardan, ümumilikdə 300-dən çox vətəndaşımızı əhatə edib.


Aksiya çərçivəsində müayinələr paytaxtın müxtəlif dövlət və özəl xəstəxanalarında çalışan onkoloq, kardioloq, radioloq, terapevt, pediatr, nevroloq, uroloq və digər ixtisaslar üzrə 45 nəfərdən ibarət könüllü həkim heyəti tərəfindən aparılıb.