Xəstəliklərimiz xarakterimizə bağlı oila bilərmi? Araşdırma

Xəstəliklərimiz xarakterimizə bağlı oila bilərmi? Araşdırma

12.12.2021 22:20

Tədqiqatlar sübut edir ki, insanın bütün xəstəlikləri xarakteri, xüsusiyyətləri ilə bağlı olub, həyata düzgün olmayan münasibət və bununla bağlı yaranan neqativ hallardan qaynaqlanır. Başqa sözlə, istənilən xəstəlik öncə zehni səviyyəsində yaranır, sonradan inkişaf səviyyəsinə görə orqanizmdə əlamətlərini büruzə verir.

Aztibb.az mütəxəssislərin rəyinə əsaslanaraq xəbər verir ki, əsəbləri ilə bacara bilməyən aqressiv adamlar həyatları boyu ciddi ürək xəstəlikləri ilə üz-üzə qalırlar. Aqressiv adamlar psixi xəstəliklərə də meyillidirlər.

İctimai yerlərdə özlərini rahat hiss edə bilməyən utancaq adamlar viruslara daha tez yoluxurlar. Bu cür adamların bakteriya və viruslara qarşı müqavimətləri də az olur.

Nikbinlik ömrü uzadır. Qarşılaşdığı bütün problemlərə baxmayaraq, hadisələrə həmişə nikbin nəzərlərlə baxmağı bacaran adamlar bədbin adamlardan təqribən 7,5 il çox yaşayırlar.

Bədbin adamlar nikbin adamlarla müqayisədə daha az yaşamaqla yanaşı, Parkinson xəstəliyinə də meyilli olurlar.

Dərdini içində saxlayan adamlarda xərçəng və infarkt ehtimalı daha çoxdur.

Qarşısındakı insana qarşı insaflı davranan və bağışlamağı bacaran adamlar da uzun yaşayırlar.

Narahat xarakterli adamlar təzyiq xəstəliyinə daha çox meyilli olurlar.

Gəzməyi, insanlar arasında olmağı, söhbət etməyi çox sevən adamların ürək xəstəliklərinə tutulmaq ehtimalı daha azdır. Bu cür adamlar xəstəliklərə qarşı asan mübarizə apardıqları üçün tez sağalırlar. Ancaq bununla yanaşı, onlar köklüyə meyillilikləri ilə də seçilirlər.

Deyilənlərin əksinə olaraq, zarafatcıllıq heç də uzunömürlülükdən xəbər vermir. Bunun əsas səbəbi isə belə adamların həyatdakı təhlükələri görməməzliyə vurmağa çalışmalarıdır.