Bu xəstəliklər baş gicəllənməsi və müvazinətsizlik əmələ gətirir. Yanlış müalicəyə getməyin!

Bu xəstəliklər baş gicəllənməsi və müvazinətsizlik əmələ gətirir. Yanlış müalicəyə getməyin!

07.12.2021 13:00

Baş gicəllənmə və müvazinət pozğunluğu bir sıra xəstəliklərin əlaməti ola bilər.

Qulağa bağlı səbəblər

Bütün həqiqi vertiqoların 70%-i qulaqla əlaqəli olur. Meniere xəstəliyi, pozisyonel vertiqo, qulağın axıntılı xroniki xəstəlikləri, eşitmə itkisi ilə gedən qulaq xəstəlikləri, virus infeksiyasından sonra müvazinət sinirinin zədələnməsinə bağlı olan qulaq xəstəlikləri, damar tıxanıqlığı olan insanlarda olan daxili qulağa daha az qan getmə halı, bəzən isə heç bir səbəb olmadan daxili qulaqdakı pərdələrin zədələnməsinə bağlı olaraq vertiqo hücumları ola bilər.

Travmalar

Başda olan və daxili qulağı da zədələyən sınıqdan sonra vertiqo ilə bərabər ürəkbulanma və qusma da ola bilir. Xəstə başını yüngül hərəkətlə belə tərpədərək aşkar bir baş gicəllənməsi keçirir. Bu vəziyyətin düzəlməsi həftələr və aylarla çəkə bilər. Belə halda, müəyyən illər sonra belə pozisyon dəyişikliklərində xəstədə bir neçə saniyəlik şiddətli baş gicəllənməsi qala bilər.

İnfeksiya

Əsasən kəskin qrip infeksiyasından sonra qulaq mənşəli baş gicəllənməsi əmələ gələ bilər.

Nevroloji xəstəliklər

Multipl skleroz, sifilis, müxtəlif beyin şişləri, Parkinson xəstəliyi və başqa xəstəliklər sinir sisteminə təsir edərək müvazinətin pozulmasına səbəb ola bilər.

Allergik səbəblər

Əsasən yaz və payız aylarında, allergik bədənli insanlarda polen və allergik mühitə cavab olaraq vertiqo tutmaları ola bilər. Müalicəsində antihistaminlər effektlidir.

Servikal səbəblər

Çox kəskin boyun yırtıqları xaricində baş gicəllənməsi əmələ gətirməzlər.

Baş dönməsi və müvazinət xəstəliklərinin diaqnostikası bir çox texnoloji üsullarla aparılır. Səbəbi bilindikdən sonra isə uyğun müalicə təyin edilir.

Unutmayın ki, baş gicəllənməsi özü bir xəstəlik deyil və başqa xəstəliklərin əlaməti olduğu üçün əsas xəstəliyi müalicə etmək lazımdır.