Bu pəhriz sağlam sayıla bilməz! Frutarianlıq
03.12.2021 23:33
Meyvə pəhrizi barədə çox eşitmişik. Lakin meyvə yemək bəzən pəhriz yox, həyat tərzinə çevrilir.
 
Mütəxəssislərin təbirincə desək, bu, detoks və ya artıq çəkidən xilas olmaq deyil, həyat tərzidir.
 
Aztibb.az xəbər verir ki, sözügedən həyat tərzi – frutarianlıq çiy meyvədən başqa heç nə yeməməyi nəzərdə tutur.
 
Adamlar bu pəhrizə müxtəlif dərəcədə əməl edirlər. Bir çox frutarianların dediyinə görə, onların qidalanmasının 75 %-ni çiy meyvələr,  25 %-ni isə qoz-fındıq və dənli bitkilər təşkil edir.
 
Belə bir pəhrizə keçməyin müxtəlif səbəbləri var. Xörək bişirməmək, detoksasiya, kalorilərin ixtisarı, təbiətsevərlik, "mənəvi ucalıq” və s.
 
Frutarianlıq ekstremal dərəcədə çətin pəhrizdir və onu əksər dietoloqlar sadəcə olaraq tövsiyə etmirlər.
 
Dietoloqlar bildirir ki, frutarianlarda B12 vitamininin, kalsiumun, D vitamininin, yodun, omega-3 yağ turşularının çatışmazlığı olur və bu, qan azlığı, halsızlıq və immun sisteminin zəifliyi kimi fəsadlara səbəb ola bilər.
 
Alimlərin fikrincə, ümumiyyətlə, yalnız bir və ya iki qida növünə əsaslanan pəhrizlər sağlam sayıla bilməz.