200-dən çox şəhid və qazi ailəsi üçün müayinə aksiyası keçirilib
29.11.2021 13:08

Azərbaycan Tibb Universitetinin Onkoloji Klinikası və "OKİ" Klinikasının birgə təşəbbüsü ilə Bakı şəhərinin müxtəlif klinikalarında çalışan 18 ixtisas üzrə 32 könüllü həkimin iştirakı ilə 200-dən artıq şəhid və qazi ailəsi üçün müayinə aksiyası keçirilib.

 

Aksiya çərçivəsində OKİ klinikasında KT, MRT, USM və digər diaqnostik və laborator müayinələr olunmaqla yanaşı, müalicəyə ehtiyacı olan xəstələr həkimlər tərəfindən 65 adda müxtəlif qrupda dərman preparatları ilə təmin olunublar. Həmçinin müxtəlif sahələr üzrə cərrahi əməliyyata ehtiyacı olan xəstələrin tam ödənişsiz əməliyyat olunması üçün də qeydiyyat aparılıb.


Aksiya Qusar rayonu İcra Hakimiyyətinin informasiya dəstəyi ilə baş tutub.