Bu gün texnologiyanın inkişafı ilə sosial mediadan istifadənin geniş yayıldığını bildirən mütəxəssislər xüsusilə pandemiya dövründə fiziki məsafə ilə bağlı problemlərin internetdə edilən paylaşımları artırdığını söyləyirlər.

Aztibb.az mütəxəssislərin rəyinə əsaslanaraq xəbər verir ki, sosial mediadan sağlam istifadə ilə yanaşı, çox vaxt sosial media istifadə məqsədini tərk edərək, asılılığa da çevrilir.

Psixiatrlar sosial mediadan həddindən artıq istifadənin görmə pozğunluğu, yuxusuzluq, vaxtı idarə etməkdə çətinlik, fəaliyyətlərdə iştirak edə bilməmə, sosial mediadan kənar ünsiyyət qurmada çətinlik, müvəffəqiyyətin azalması kimi fiziki və sosial problemlərin artmasına səbəb olduğunu bildirirlər.

Sosial şəbəkələrdə “like” əslində mənfi və ziyanlı bir fenomen hesab oluna bilməz, əksinə bu element təbii funksiyasına, yəni insanlar arasında kontakt və ünsiyyətin artırılmasına, fikir və düşüncə mübadiləsinə və bilgi qaynağı təşkil etməsinə yardımçı olacaq bir mahiyyətə sahibdir.

Lakin “like” hərisliyi” və “acgözlüyü” də müşahidə olunmaqdadır. İnsanlar “like”-a qeyri-adi bir önəm yükləməkdə və az qala həyatın ən vacib ünsürlərindən biri olaraq görməkdədirlər.

Sanki “like” açıq-aşkar bir "keyfiyyət nişanəsi" olaraq qəbul edilir.

Psixoloqlar tövsiyə edir ki, reallığı və hadisələri qiymətləndirmək və qərar vermək üçün dəyərli olanın yalnız ağıl və  təcrübə olduğunu unutmamalıyıq.