Toyuq əti, yumurta və süd kimi məhsullardan ölmək olarmı? Salmonelloz təhlükəsi Üçüncü yazı

Toyuq əti, yumurta və süd kimi məhsullardan ölmək olarmı? Salmonelloz təhlükəsi Üçüncü yazı

25.11.2021 14:09

Bu xəstəliyin müalicəsində bir neçə aparıcı istiqamətlər ayırd edilir: 1) salmonellalara qarşı antibiotiklər; 2) qusma və ishalla itirilən mayenin bərpası üçün məhlullar; 4) faqoterapiya.

Aztibb.az salmonelloz infesiyasının insan sağlamlığına qarşı təhlükələri haqqında məqalədən mühüm məqamları oxucuları üçün paylaşır.

Bütün xəstələrə ilk günlər mədənin yuyulması və təmizləyici imalə edilir, sonra diareya əleyhinə vasitələr və s. təyin edilir.Yayılmış formada patogenetik müalicə ilə yanaşı, etiotrop müalicə aparılır.

Son zamanlar alimlər həyəcan siqnalı çalırlar ki, antibakterial preparatlara qarşı güclənən davamlılıq var və buna görə də yalnız həssaslıq testi müalicəyə yol aça bilər. Aydın olur ki, antibiotiklər artıq bütün infeksion xəstəliklərin “panaseyası” ola bilməz, məhz salmonelloz bakteriofaqının istifadəsi daha məqbuldur.

ÜST tərəfindən tövsiyə olunmuş heyvan mənşəli məhsulların təhlükəsiz təchizatı üzrə əsas taktika bütün qida zənciri boyunca (“fermadan stola qədər” prinsipi üzrə) salmonellaların yayılmasının qarşısını almağa yönəlib.

Ev quşlarının daha çox salmonellaların daşıyıcıları olduğunu nəzərə alaraq qidada çiy yumurtalardan imtina etmək, ən azı onları 6 dəqiqə bişirmək lazımdır.

İlıq yumurta çox təhlükəli məhsuldur! Həmçinin çiy süd içmək olmaz, onu 3 dəqiqədən az olmayaraq qaynatmaq lazımdır!

Salmonella ilə yoluxmuş yumurtaları necə tanımaq olar? Təəssüflər olsun ki, bu suala cavab yoxdur. Vizual olaraq sağlamı yoluxmuşdan ayırmaq mümkün deyil.

Yalnızca bir tövsiyə var: yumurta alarkən onun qabığına xüsusi fikir verin ki, quş peyninin zərrəcikləri ola bilər, necə deyərlər, “peyinlə bulaşmasın” (peyin qabığa düşərkən infeksiyanın yumurtaya düşməsi üşün 3 sutka kifayət edir və nəticədə qida təzə halda insan orqanizmi üçün təhlükəli olur).

“Yumurtanın anası” - toyuqların həyat tərzi və yaşadığı şərait onların sağlamlığına, uygun olaraq “praktik anasından-yumurtlayan toyuqdan” yoluxan yumurtalarının da təhlükəsizliyinə heç bir halda zəmanət vermir.

Yeri gəlmişkən, özünüzü ev sevimlilərinizdən qoruyun: 10% itlər və pişiklər salmonellaların daşıyıcılarıdır. Mikrodalğalar da bakteriyaların öldürülməsi üçün etibarlı bir yol deyildir! Xam maddələr ehtiva edən qidalardan qaçın!

tibb üzrə fəlsəfə doktoru Elza Orucovanın məqaləsindən