Dünyada ən çox rast gəlinən sağlamlıq problemlərindən biri xroniki böyrək xəstəliyidir. Böyrək xəstəliklərinin ən inkişaf etmiş mərhələsi dializ mərhələsidir.

Aztibb.az mütəxəssislərin rəyinə əsaslanaraq xəbər verir ki, böyrək xəstəliklərinin erkən aşkarlanması olduqca vacibdir. Yüksək qan təzyiqi olan hər bir şəkərli diabet xəstəliyinin xüsusilə erkən aşkarlanması zəruridir.

Yaşla artır 

Qeyd olunur ki, yaşla birlikdə bütün orqanlar bir qədər təsirlənir. Ürək ilə əlaqəli narahatlıq halları yaşla artır, bu da böyrək xəstəliklərinə təsir edə bilər. 

Böyrəklərin müdafiəsi üçün formula 

Böyrəkləri qorumağın düsturu belə izah olunur ki, xəstənin hipertoniyası varsa təzyiqinə, diabet xəstəsidirsə qan şəkərinə çox yaxşı nəzarət edilməlidir.  Qidalanmaya diqqət yetirməli, piylənmə yol verilməməlidir. Böyrəyə təsir edə biləcək lazımsız dərmanlardan mümkün qədər istifadə etməmək lazımdır. Xüsusilə ağrıkəsicilərdən istifadə edərkən çox diqqətli olmalıyıq. Ağrıkəsicilərin, müayinələrimizdə istifadə etdiyimiz kontrast adlı boyalı maddələrin zərərləri var.