Xroniki ağciyər xəstəliyi olan astmaya səbəb olan bəzi amillər var.

Bunlardan birinin soyuq hava olduğunu bildirən mütəxəssislər qeyd edir ki, astma olduğunuz zaman tənəffüs yollarınız (bronxial borular) şişir və iltihablanır. Şişmiş tənəffüs yolları daha da daralır və hava axını çətinləşir. Xüsusilə soyuq havada bu xəstələr üçün daha dözülməz olur.

Aztibb.az xəbər verir ki, insanlar tez-tez astma simptomlarının payızda və qışda pisləşdiyini görürlər. Fərqli amillər fərqli insanlarda simptomları pisləşdirə bilər. İnfeksiyalara yoluxma zamanı tənəffüs yolları həssaslaşdığı üçün astma əlamətlərini daha çox göstərir.

Soyuq hava tənəffüs yollarını qurutduğu üçün bu da qıcıqlanma yaradır. Bundan əlavə, selik astmanızı daha da pisləşdirə bilər. Həmçinin alergiyaya məruz qalma da astmalı xəstələrə mənfi təsir edir.