Bir sual, bir cavab – Nazik bağırsaq keçməməzliyi nəyə görə yaranır? - aztibb.az AZƏRBAYCANIN SƏHİYYƏ XƏBƏR PORTALI

Bir sual, bir cavab – Nazik bağırsaq keçməməzliyi nəyə görə yaranır?

17.11.2021 15:11

Nazik bağırsaq keçməməzliyi əməliyyatdan sonra bağırsaq yapışıqlığı, həzm sistemi şişləri, yayılma (metastaz) verən şişlər,bağırsaq vərəmi, qrıja boğulması, Crohn xəstəliyi, poliplər, nazik bağırsaq dönməsi (volvulus), öd daşlarına bağlı keçməməzlik və s. səbəblərdən yaranır.

Ən çox nazik bağırsaq keçməməzliyi təşkil edən əməliyyatlar appendisit, yoğun bağırsaq əməliyyatları (kolorektal cərrahiyyə), ginekolojik əməliyyatlar, mədə və onikibarmaq bağırsağı əməliyyatlarıdır. Alt qarın bölgəsi əməliyyatlarının üst qarın bölgəsi əməliyyatlarına nisbətən daha çox nazik bağırsaq keçməməzliyinə səbəb olmaqdadır.

Nazik bağırsaq keçməməzliyi qismi və ya tam, ya da sadə və ya boğulmuş ola bilər.

Bağırsaq keçməməzliyi olan hissənin üst hissəsindəki bağırsaqda genişlənmə olur və bu hissədə həzm sistemi ifrazatları və udulan hava toplanır. Bu bağırsaq genişlənməsi daha çox ifrazat edilməsinə xəbərdarlıq edir və yığılan mayelər getdikcə artır. Bunun nəticəsində keçməməzliyin həm üst hissəsində həm də alt hissəsində bağırsaq hərəkətləri artır,xəstə tez-tez və yumşaq bir şəkildə defekasiya aktı yerinə yetirmiş olur və qaz çıxardır. Üst hissələrdə olan bağırsaq keçməməzliklərində qusma baş verir, bu vəziyyət bağırsağı sıxışdıraraq bağırsaqdakı şişliyi daha da artırır.

Bağırsaq keçməməzliyi lazımi şəkildə müalicə edilməzsə, bağırsağın qidalanma pozğunluğu, nəticədə fəsadına (nekroz və ya çürümə) sonra da bağırsaq deşilməsi və peritonit adı verilən geniş qarın pərdəsi iltihabına səbəb olur. Bu mənzərə təcili olraq müalicə edilmədiyi təqdirdə ölümcül hal ortaya çıxar. İlk 36 saatda əməliyyat keçirilsə ölüm nisbəti 8%-ə qədər azalar və 36 saatdan sonra aparılan əməliyyat hallarında ölüm nisbəti isə 25%-ə qədər yüksələ bilər.