İntiharlara səbəb yaradan xəstəlik – Kiberbullinq - aztibb.az AZƏRBAYCANIN SƏHİYYƏ XƏBƏR PORTALI

İntiharlara səbəb yaradan xəstəlik – Kiberbullinq

13.11.2021 13:33

UNICEF-ə görə bullinq uşaqların incidilməsinə səbəb olan ixtiyari və təkrar olaraq törədilmiş aqressiv davranışdır. Bullinqin (zorakılığın) bir çox növləri var; kiber, sosial, şifahi, psixoloji və fiziki zorakılıq.

Aztibb.az xəbər verir ki, son zamanlar rast gəlinən fiziki və psixoloji problemlərin kökündə dayanan səbəblərdən biri də müasir dövrün bəlası kiberbullinqdir.

Kiberbulinqdə 2 tərəf var: aqressor və qurban. Aqressor neqativ, tənqid, təhqir dolu rəy, status, mesaj yazır, qurban isə hədəfdir.

Qurban bu hücumla zəhərlənir, daxilən gərginlik, stress keçirir, qəzəb, kin, kədər, özünə əminsizlik, təhlükədə olduğunu düşünür, qarşı tərəfi tanımasa və real həyatda üzləşməsə belə bütün bunları real təhlükə kimi qəbul edir.

Uzun müddətli kiberbullinq postravmatik stres və təşviş pozuntusuna səbəb olur, yuxu pozulur, başağrıları, miqren başlayır, insan özünə qapanır, immunitet zəifləyir, iştaha azalır, depressiya və nevroz, panik atak başlayır, diqqət yayqınlığ, hərəkətlərdə süstlük, qəribə davranış, gözlərdə dəyişiklik hiss olunur.

Ən yüksək həddə qurban hətta intihar fikirlərinə düşür. Çox zaman uşaqlar, yeniyetmələr, məktəblilər, gənc qızlar bu barədə valideynlərinə, müəllimlərinə demir, təhsildə yayınır, geri qalır və səbəbi soruşduqda aqressiv davranır və ya ağlayır.

Kiberbulinqin təsiri ilə adamlar sosial adaptasiya ola bilmir, təhsildə, işdə geri qalır, yeniliklərdən qaçır, münasibət qura bilmir, ailə qurmaq istəmir, dünyanı və insanları özü üçün təhlükəli bilir.

Azərbaycanda və digər ölkələrdə baş vermiş intiharların səbəblərini araşdırdıqda bullinq və intihar arasında əlaqənin çoxluğu ortaya çıxır.