Dünyanın super meyvəsi "aronia" hazırda bir çox ölkələrdə yetişdirilir.
Aztibb.az xəbər verir ki, sərin mülayim və soyuq iqlimi olan ərazilərdə yetişdirilən meyvənin istehsalı son illər artıb.
Mütəxəssislər aroniyanın giləmeyvəyə bənzər növünün havası sərin və soyuq keçən yerlər üçün çox uyğun bitki olduğunu bildirilər.
Ən yüksək antioksidant tutumlu meyvə növü
Aronia yüksək antioksidant tərkibi ilə immunitet sistemini gücləndirir.
Aroniyanın bir çox faydası var. Elmi ədəbiyyatda super meyvə və sağlamlıq meyvəsi olaraq adlandırılır.
Meyvə və tərəvəz məhsulları üzərində aparılan araşdırmada ən yüksək antioksidant tutumlu meyvə növü olaraq təyin olunub.
C vitamini baxımından da çox zəngindir. Həmçinin kalium, fosfor, maqnezium, kalsium və sink tərkiblidir.
Antioksidant gücü ilə immuniteti gücləndirən meyvənin epidemiya dövründə istehlakı çox artıb.
Üzümə bənzər bu meyvə içki, əczaçılıq və kosmetika sənayesində mühüm xammal kimi diqqət çəkir.