Çinin Quanqdonq Əyalətinin Səhiyyə Komissiyası 10 milyon əhalisi olan Donqquan şəhərinin yerli sakinlərindən birinin H5N6 variantı olan “quş qripi”nə yoluxduğunu bildirib.
Aztibb.az xəbər verir ki, xəstələnənlərin virusa necə yoluxduğu hələ məlum deyil.
Quş qripi ailəsinə aid olan H5N6 yarımtipi xüsusilə ölümcüldür, yoluxanların yarıdan çoxunu öldürür və bütün yaş qruplarında ağır xəstəliklərə səbəb olur.
Mütəxəssislər yeni yayılan infeksiyanın yoluxma tezliyinin artmasından narahatdırlar.
Bütün H5N6-ya yoluxmaların demək olar ki, yarısı 2021-ci ildə olub. 2020-ci ildə isə yalnız beşi yoluxma hadisəsi aşkar edilib.
Bəzi elm adamları virusun mutasiyaya uğradığını və daha da yoluxucu olduğunu düşünür.
Virusun yeni variantı daha yoluxucu ola bilər. Hazırda ev quşlarında bu virus çoxdur. Ona görə də daha çox insan yoluxur.
