Üç inqredientdən ibarət içki payız mövsümündə immunitet sistemini dəstəkləməyə kömək edir.

Aztibb.az xəbər verir ki, bu barədə rusiyalı həkim-dietoloq Anjelika Dyuval məlumat verib.

İlk növbədə mütəxəssis çaytikanının faydasından danışıb. O, bildirib ki, çaytikanı meyvələrinin yaxşı mənimsənilməsi üçün səhərlər yemək lazımdır. İkinci məhsul avokadodur. Avokado orqanizmin müdafiə sisteminin güclənməsinə yaxşı təsir edir, həmçinin özündə faydalı yağları, mineralları birləşdirir.

A.Dyuval möcüzə eliksirin tərkibini də açıqlayıb.

“Qaraciyərimizin daim dəstəyə və qayğıya ehtiyacı var. Bu həyati vacib orqan üçün ən faydalı məhsullar narıncı rəngdə olanlardır. Tərəvəzlərdən balqabaq, giləmeyvələrdən isə çaytikanını qatmaqla qaraciyərin sağlamlığı üçün çox faydalı smuzi hazırlamaq olar.

Bu iki məhsulu bir smuzidə birləşdirsək, ona bişmiş alma mətini əlavə etsək, qaraciyər sağlamlığı üçün bir eliksir əldə edirik. Eliksir qaraciyəri vaxtında özünü təmizləməyə, bədənin qoruyucu funksiyalarını gücləndirməyə, immunitet funksiyasını artırmağa kömək edəcək ", - deyə dietoloq fikrini yekunlaşdırıb.