Alimlər hələ də kliptomaniyanın yaranmasına təsir edən səbəbləri dəqiq müəyyən etməyiblər. İndi həkimlər beyində baş verən bir sıra dəyişikliklərin kleptomaniya yarada biləcəyini güman edirlər ki, bunun da serotonin hormonunun balansının pozulması nəticəsində yarana biləcəyi düşünülür.

Aztibb.az qarşısıalınmaz oğurluq həvəsi ilə xarakterizə olunan bu xəstəliyin əlamətləri, səbəbləri və müalicəsi haqqında növbəti yazını təqdim edir.

Serotonin hormonu neyro hüceyrələr üçün məsuliyyət daşıyır ki, onlar da psixi sağlamlığın komponentidir. Beyində serotonin hormonunun çatışmazlığı depressivlik doğurur. Beləliklə, kleptomaniya özünü serotonin hormonunun hasilatının aşağı düşməsi nəticəsində meydana gələn depressiv əlamət kimi və impulsiv davranış, təhriki oğurluq şəkildə özünü göstərir.

Uşaqlıq dövründə yaşanan mənfi şərtlərin nəticəsində inkişaf edən psixi pozğunluqlar əhəmiyyətli faktorlar arasındadır. Kleptomanik davranışların şüur altındakı bu xatirələrin yenidən yaşanması ilə meydana gəldiyi düşünülməkdədir.

Bu insanların uşaqlıqlarındakı ailə həyatlarının olduqca travmatik və problemli olduğu müəyyən olunub. Bu fərdlərdə narsisistik yəni özünə olan sevgi, maraq, inam hissinin itməsi nəticəsi olaraq ortaya çıxdığı da düşünülməkdədir.

Kleptomaniya hərəkətləri qadınlarda uşaqların evdən uzaqlaşması, kişilərdə isə andropoz dövründə rast gəlinə bilər.

Qadınlarda gərginliyin artdığı mensturasiya dövrləri və hamiləlik dövrlərində bu cür hərəkətlər artmaqdadır.

Bu insanlarda cinsəlliklə əlaqədar problemlərə də rast gəlinir. Müxtəlif psixiatrlara görə uşaqda 3-5 yaş arasında müşahidə edilən və “fallik dövr” olaraq adlandırılan, uşağın cinsi orqanlara istiqamətli maraq və hərəkətlərində artımın olduğu dövrlərdə qarşılaşılan problemlərlə bağlı olduğu düşünülməkdədir.

Xəstəliyin müalicəsi

Kleptomanların çoxu həkimə müraciət etməkdən qorxurlar və özləri də bu problemi həll edə bilməzlər.Çünki peşəkar psixiloji yardım zəruridir.

Kleptomanların müalicə kursu psixoterapiya və tibbi dərman müalicəsindən ibarətdir. Kleptomaniyada bir sıra antidepressantlar qəbul edilir.

Kliptomaniyanın müalicəsində davranış psixoterapiyasından istifadə yaxşı nəticələr verir. Bu terapiyada şəxsdə mənfi düşüncələr təmizlənir və yerinə xoş, pozitiv düşüncələr əldə edilir.

Ümumilikdə fərdin keçmişi və indiki anı ilə əlaqədar xoşagəlməz hadisələrdən yan keçərək, bunlara istiqamətli uyğun düşüncə sxemləri inkişaf etdirilməsi və ictimai əlaqələrdəki əlverişsiz müdafiə mexanizmlərinin dəyişdirilməsini hədəfləyən müalicələr, impulsiv hərəkətləri və qayğı vəziyyətini azaltmağa istiqamətli dərman müalicələri və lazım olsa hipnoz ilə müvəffəqiyyətli nəticələr alınmaqdadır.