58 yaşında qadın xəstə Bona Dea Beynəlxalq Hospitalına "Karpal tünel sindromu" diaqnozu ilə daxil olub.

Aztibb.az xəbər verir ki, ortoped cərrah Elxan Qasımov tərəfindən xəstəyə "Karpal tünelin açılması" əməliyyatı icra olunub.

Əməliyyatda iştirak edən anestezioloq Mayıl Sadıyev bildirib ki, əməliyyat üçün USM cihazı "linear probe"nin köməyi ilə "Axiliar block" olunub. Əməliyyat sahəsində adekvat motor sensor blok yaranıb.

"Ortopedik əməliyyatlar üçün anesteziyada sinir blokları ideal seçimdir. Dünya tibbində olduğu kimi, ölkəmizdə də bu kimi müdaxilələri icra edirik", - deyə M.Sadıyev bildirib.