Əməliyyat otağında zərərli toksinlərə məruz qalmaq ağciyərlərin xroniki obstruktiv xəstəliyi (AXOX) riskini artırır.

Aztibb.az xəbər verir ki, bu fakt tədqiqat nəticəsində müəyyən olunub.   

Öyrənilib ki, 15 il və ya daha çox əməliyyat otaqlarında çalışan tibb bacılarında AXOX göstəricisi digər sahələrdə çalışan tibb bacılarından 69% daha yüksəkdir. 

Həkimlərin, tibb bacılarının və digər xəstəxana işçilərinin elektrik və lazer əməliyyatları zamanı əməliyyat otaqlarında məruz qaldıqları zərərli kimyəvi maddələr arasında dezinfeksiyaedici qazlar və cərrahi tüstü var. 

Boston Universitetinin tədqiqatçılarının apardığı yeni bir araşdırmaya görə, bu kimyəvi maddələrə əməliyyat otaqlarında uzun müddət məruz qalma AXOX riskini artırır.

Əməliyyat otağında iş vaxtı tibb bacılarının zərərli inhalyasiya maddələrinə məruz qalması da xəstəliyə səbəb olur.

Son illər dezinfeksiyaedici vasitələrin istifadəsi artmaqdadır və cərrahi tüstü riskinin azaldıldığına dair çox az dəlil var.