Təngnəfəslik bu xəstəliklərin xəbərçisi ola bilər - DİQQƏT!
13.10.2021 13:40
Böyüklər bir dəqiqə ərzində orta hesabla 16-18 nəfəsalma hərəkəti edir. İdmançılarda bu daha az, uşaqlarda isə daha çox olur.
 
Sağlam insan sakit vəziyyətdə nəfəsalmasına fikir vermir. Fiziki gərginlik, həmçinin stress zamanı orqanizmin oksigenə olan təlabatı artır, beyin bu haqda məlumat alır və nəfəsalmanın tempini artırmağa əmr verir. Belə vəziyyətdə insan nəfəsalmasını hiss etməyə başlayır. Buna "fizioloji təngnəfəslik" deyilir. Lakin bu sağlam insanda güclü diskomfort yaratmır və insan sakitləşdikdə və ya fiziki gərginlik azaldıqda nəfəsalma tez bir zamanda normaya düşür.
 
Aztibb.az xəbər verir ki, əgər təngnəfəslik yüngül fiziki gərginlik və hətta sakit vəziyyətdə, gecə yuxu zamanı inkişaf edirsə, bu patoloji haldır və buna ciddi fikir vermək lazımdır. Belə patoloji təngnəfəslik bir çox ağır xəstəliklərin və pozulmaların simptomu ola bilər.
 
Patoloji təngnəfəsliyin səbəbləri anemiya (qanazlığı), vərəm, bronxial astma, bronxit, ağ ciyər emfizeması, xroniki obstruktiv ağ ciyər xəstəliyi, ağ ciyər xərçəngi, ürəyin işemik xəstəliyi, kardiopatiyalar, ürəyin qüsurları, xroniki ürək çatışmazlığı, qalxanvari vəzinin fəaliyyətinin artması, şəkərli diabet, skolioz, döş fəqərələrinin qüsurları, Bexterev xəstəliyi, nevroz və s. xəstəliklər ola bilər.
 
Əgər adi fiziki aktivlik təngnəfəsliyə səbəb olursa və ya təngnəfəslik "səbəbsiz" inkişaf edirsə, həkimə müraciət mütləqdir. İlk növbədə, terapevtin müayinəsindən keçilməlidir. Nəticələrdən asılı olaraq terapevt xəstəni digər mütəxəssislərin (kardioloq, pulmonoloq, nevropatoloq və s.) müayinələrinə göndərə bilər.
ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!