Anevrizma bədənin hər hansı nahiyəsindəki damarda meydana gəlir, ancaq daha çox qarın aortasında (ürəkdən çıxan və bədəni qidalandıran damar), ürəkdən çıxan və sinə nahiyəsindəki aortada və beyin damarlarında yaranır.

 

 

Onun sözlərinə görə, ürək anevrizması – ürək kamerasının miokardının bir hissəsinin nazilməsi və qabarmasıdır. Ürək anevrizmasının əsas səbəbi kimi geniş sahəli transmural miokard infarktı (əsasən sol mədəciyin) göstərilir. Geniş sahəli miokard infarktı ürəyin əzələ divarının quruluşunu pozur. Ürəkdaxili təzyiqlə əlaqədar nekrozlaşmış divar gərilir və nazikləşir.

 

Anevrizmanın əlamətləri:

- Təngnəfəslik

- Ürəkdöyünmə

- Halsızlıq

- Ürək astması tutmaları

- Uzunmüddətli qızdırma

- Ürək ritminin ağır pozğunluqları

- Tromboembolik ağırlaşmalar

 

Cabir Gülmalıyev əlavə edib ki, yarımkəskin anevrizmalarda qan dövranı çatışmazlığı əlamətləri sürətlə proqressivləşir. Ürək anevrizmasının müalicəsi isə cərrahi yolla aparılır: anevrizma kisəsi kəsilir və ürək əzələsinin qüsuru tikilir.