Hidrosefaliya kəllə içindəki suyun miqdar olaraq artması hallarını göstərir və ilk ağla gələn baş böyüməsidir.
Beynimizin içində, bir-biri ilə əlaqəli olan mağaralar deyə biləcəyimiz boşluqlar vardır. Biz bunlara “mədəcik” və ya “qarıncıq” deyirik. Beynimizin içindəki suyu, bildiyimiz su kimi düşünmək səhv olar. Bu su dediyimiz “beyin-onurğa” mayesidir və bir çox funksiyaya malikdir. Ən mühüm vəzifəsi isə beynimizə təsir edəcək şiddətli toqquşmalarda beyni qorumasıdır. Bu mayedə qandakı kimi qidalandırıcı maddələr də olur.
Hidrosefaliyanın elmi tərifi beyin boşluqlarının (mədəciklərinin) genişlənməsilə yanaşı beyin-onurğa mayesinin təzyiq və miqdarında artmadır.
Mövcud xəstələrin demək olar ki, böyük əksəriyyətində hidrosefaliya, beyin onurğa mayesinin dövran yolundakı hər hansı bir nöqtəsindəki zəifləməyə bağlı olaraq yaranır. Hidrosefaliyanın səbəblərini kongenital yəni “anadangəlmə” və ya sonradan inkişaf edən “sonradan qazanmaq” olaraq da ikiyə bölmək olar.
Xəstəliyin əlamətləri baş ağrısı, əmgəkdə genişlənmə və gərginlik, qusma, kilo itkisi, incə, kəskin bir səslə ağlama, cüt görmə, başdakı damarların görünməsi, gözlərdə batan günəş mənzərəsi, nitq və yerimə geriliyi ilə özünü biruzə verir.
Hidrosefaliyanın erkən dövrdə müəyyən edilməsi müalicə baxımından mühüm əhəmiyyət daşıyır.
ümumi cərrah Fuad Nəzərov
Aztibb.az