Ürək xəstəliklərində əməliyyatda istifadə olunan metod qədər zamanlamanın də əldə olunacaq uğurda böyük önəmi vardır. Düzgün zamanlama həm əməliyyat riski, həm də əməliyyat sonrası üçün çox önəmlidir!

 

Onun sözlərinə görə, əməliyyat uğurlu olsa belə sonrakı dönəmdə yaşam müddəti və rastlana biləcək problemlər əməliyyatın zamanlamasından təsirlənir. Məsələn, koronar arteriya cərrahiyyəsində zamanlamada önəmli olan problem yaranmadan əməliyyatın gerçəkləşdirilməsidir. Burada saatlar belə xəstənin taleyində mühüm dəyişikliklərə səbəb ola bilər.

 

Cabir Gülmalıyev bildirib ki, Koronar bypass qərarı alınan və kritik darlıqlar aşkarlanan xəstələrdə əməliyyat gecikdirilərsə, xəstədə ritm problemləri və infarkt reallaşa bilər. Ürək qapaq xəstələrində də problem yaranmadan əməliyyatın gerçəkləşdirilməsi əsasdır.

 

"Ürək xəstələrində əməliyyat zamanlamasında günlər-aylardan əlavə, illərin də böyük önəmi var. Ürək xəstələrində vacib olan qalıcı problemlər yaranmadan əməliyyatın gerçəkləşdirilməsidir.

Əgər ürəklə bağlı şikayətləriniz varsa, mütləq mütəxəssisə müraciət edin və yaxud şikayətiniz olmasa belə rutin müayinələri axsatmayın", - deyə həkim əlavə edib.