İmmunitet sistemi stress, həyat tərzi, yenicə öhdəsindən gəldiyimiz digər xəstəliklər və ya müəyyən biofaktorların kifayət qədər təmin edilməməsi səbəbindən zəifləyibsə infeksiyalara daha çox meylli oluruq.

Payızın sonuna doğru immun sistemimiz təbii olaraq soyuğa, yağışın təsirinə məruz qalır. Bu səbəbdən qrip və soyuqdəymə virusları xüsusilə ilin soyuq vaxtında güclənir.

Üç biofaktor – sink, C və D vitamini bizim immun sistemimizin mühüm tikinti bloklarıdır və bir-birini qarşılıqlı şəkildə dəstəkləyən müxtəlif vəzifələri yerinə yetirirlər. Yaxşı tənzimlənmiş biofaktorların tarazlığı bizə soyuqdəymə və digər infeksiyalara qarşı mübarizə aparmağa və onlardan təbii şəkildə müalicə olunmağa kömək edir.

C vitamini bədənimizdə bir çox reaksiyalarda istifadə olunur. Buna görə də xəstə olduğumuz zaman C vitamininə olan tələbatımız artır. C vitaminini  məqsədli şəkildə qəbul edənlər müqayisədə daha az xəstələnirlər.

Sink bədənimizdəki ən çox funksiyası olan mikroelementlərdən biridir. Hormon tarazlığında və saç və dırnaqların böyüməsində olan funksiyalara əlavə olaraq, o, immun sisteminin gücləndirilməsində əhəmiyyətli dərəcədə iştirak edir. Beləliklə, kifayət qədər sink təchizatı immun sistemininin normal fəaliyyətini dəstəkləyərək onu gücləndirməyə kömək edir.

Öz modullaşdırıcı təsiri sayəsində D vitamini orqanizmi öz immun sisteminin törətdiyi səhv hücumlardan müdafiə edir və bununla da autoimmun xəstəliklər və xroniki iltihab risklərinin azalmasına səbəb olur.

Soyuq havalarda mütləq balanslaşdırılmış qidalanma və həyati biofaktorlar olan sink, C və D vitaminlərinin kifayət qədər təminatı barədə düşünün.

Aztibb.az