Sağlam olmaq üçün gigiyena qaydalarına tam riayət etmək lazımdır. Ancaq bir çox insanın haqlı olduğunu düşündüyü və vərdiş etdiyi gigiyena xətaları var.  

Aztibb.az ən çox yol verilən gigiyena yanlışları haqqında yazını paylaşır.

Üzü sabunla yumaq

Bəzi insanlar gündə 2 dəfə üzlərini sabunla yuduqları zaman bakteriyalardan və ölü dərilərdən qurtulacaqlarını düşünürlər. Həqiqətdə isə sabun məsamələrin tıxanmasına səbəb olur və dərinin yaşlanmasına səbəb olur. Sabun istifadəsi cildin qoruyucu bariyerasını yox edib və dərinin pH səviyyəsini korlayır.

Dırnaq tutan və dəsmalları paylaşmaq

Bu gigiyena qaydası hər kəs tərəfindən bilinsə də, bəzi ailələr hələ də öz şəxsi əşyalarını paylaşmağa davam edir. Ailə üzvləriniz belə olsa, bakteriyaların yayılması infeksiyalara səbəb ola bilər.

Təri əl ilə silmək

Tərləmək bədənimizdəki bakteriyaların çölə atılmasına səbəb olan bir prosesdir, amma tərinizi əlinizlə silirsinizsə, bədəndən çıxan bakteriyaları yenidən bədəninizə almış olursunuz. Bunun üçün kiçik dəsmal istifadə edərək, xəstəliklərdən qoruna bilərsiniz.

Uzun müddət eyni diş fırçasını işlətmək

Bir çoxumuz diş fırçalarını 3 aydan bir dəyişdirməli olduğunu bilmir. Diş fırçası mikrobların artması üçün ideal məkandır. Bu səbəblə diş fırçasını vaxtında dəyişdirməyiniz şərtdir və diş fırçanızın yerini tualetdən ən az 4 metr kənarda saxlamağa çalışın.

Pambıq yastıqda yatmaq

Yastıq üzü seçimlərində pambıq üzlərə üstünlük verilir. Amma bu doğru seçim deyil. Pambıq üzlər cildinizin sürtülməsinə və tez yaşlanmasına səbəb ola bilər. Buna görə də ipək və ya sətin yastıq üzlərindən istifadə edə bilərsiniz.