Yaxın illərdə insan sağlamlığı üçün gözlənilən 5 təhlükə

Yaxın illərdə insan sağlamlığı üçün gözlənilən 5 təhlükə

28.09.2021 15:15

Ümumdünya Səhiyyə Təşkilatının açıqlamasında yaxın illərdə insanların sağlamlığı üçün gözlənilən təhlükələr sırasında 5-i xüsusi diqqət çəkir.

Aztibb.az xəbər verir ki, açıqlamada bildirildiyi kimi bəşəriyyət bu təhlükələrin yayılması üçün ideal mühit yaradıb.

Qeyri-infeksion xəstəliklər

Diabet, xərçəng və ürək-damar xəstəlikləri planetin əhalisi üçün ciddi təhlükədir. Artıq bu gün bütün ölümlərin 70 faizi məhz bu xəstəliklər səbəbindəndir. Bu xəstəliklərin inkişafına siqaret çəkmək, fiziki fəallığın olmaması, spirtli içki qəbulu və zərərli yeməklər kömək edir.

Peyvəndləşdirmədən imtina

Peyvəndləşdirmə bu gün yoluxucu xəstəliklərdən müdafiənin ən effektli üsullarından biri hesab edilir. Peyvəndləşdirmə eləcə də xəstəliklərin profilaktikasının ən effektli iqtisadi vasitəsi sayılır, üstəlik ildə 2-3 milyon ölümün qarşısını alır. Ümumdünya Səhiyyə Təşkilatı hesab edir ki, əgər qlobal peyvəndləşmə vərdişi yaxşılaşarsa, daha 1,5 milyon ölümdən yayınmaq olardı. Peyvəndləşdirmə ərəfəsi qorxu və ondan imtina bəşəriyyətə ciddi təhlükə yaradır.

Antibiotiklərə qarşı davamlılıq

Ümumdünya Səhiyyə Təşkilatı ekspertlərinin sözlərinə görə, təhlükəli bakteriyaların antibiotiklərə müqaviməti bizi sətəlcəm, vərəm və salmonellanın müalicəsi üçün hələ dərman olmayan dövrə qaytara bilər. Hazırda dərmanların gücsüz ola biləcəyi ştamlara yoluxma riski var. Zaman keçdikcə bu risk artmağa başlayacaq. Patogen mikroorqanizmlərin antibiotiklərə müqaviməti bu dərmanların düzgün qəbul edilməməsinə görə artacaq.

Havanın çirklənməsi

On nəfərdən doqquzu hər gün çirkli hava ilə nəfəs alır. Mütəxəssislərin proqnozuna görə, 2030-cu ildən bütün dünyada ekoloji uğursuzluqdan ortaya çıxan və iqlim dəyişikliyindən ölüm artımı başlayacaq. İldə ölüm sayı 250 min artacaq.

İlkin tibbi yardım sisteminin zəifliyi

Ümumdünya Səhiyyə Təşkilatı ekspertlərinin fikrincə, ilkin tibbi-sanitar yardım da bəşəriyyət üçün ciddi təhlükə yarada bilər. Axı məhz ilkin tibbi yardım həlqəsi bir çox xəstəliklərin diaqnostikası və profilaktikasına vaxtında cavab verir.