Əgər uşağınızda cinsi inkişaf problemi olduğunu düşünürsünüzsə, məsələn, 14 yaşına qədər qızlarda süd vəzisinin böyüməməsi, adət düzənsizliyi və ya adət görməmə problemi varsa, bunlar cinsi inkişafın gecikməsi sindromlarından sayılır.

Bu Turner sindromuna, yaxud cinsi inkişafın gecikməsinə səbəb olan hipofizin hormonlarının sintezində problemlə də bağlı ola bilər. Mütləq endokrinoloqa müraciət etmək lazımdır.

Bundan başqa, cinsi inkişafın vaxtından əvvəl başlaması, oğlanlarda 9 yaşdan, qızlarda 8 yaşdan öncə ikincili cinsi əlamətlərin ortaya çıxması problemləri var. Və bu da hormonal cəhətdən uşağın müayinəsinə zərurət yaradan vəziyyətlərdən biridir. Burada erkən cinsi inkişaf əlamətləri başlayıbsa, erkən cinsi inkişaf həqiqi erkən cinsi inkişaf ola bilər. Mütləq araşdırılmalıdır.

Erkən cinsi inkişafın başqa əlaməti də tüklənmənin başlamasıdır. Oğlanlarda 9 yaşdan öncə, qızlarda 8 yaşdan öncə həm qasıq nayihəsinin, həm də qoltuqaltı nayihəsində tüklənmənin başlaması, eyni zamanda tər qoxusunun gəlməsi əlamətləri erkən cinsi inkişafın göstəricisidir. Həmçinin “böyrəküstü vəzin hiperplaziyası” dediyimiz, yəni hormonal balansın pozulması, vaxtından əvvəl aktivləşməsi, cinsi hormonların çox sintez olunması nəticəsində olan bir prosesdir.

endokrinoloq Gülay Məmmədova

Aztibb.az