Qeyd edəcəyim simptomlara uşaqlarda rast gəlinirsə endokrin xəstəliyi ola bilər. Ona görə “Nə zaman endokrinoloqa müraciət etməlisiniz?” onu bilmək lazımdır.

Əgər uşağınızda ağız quruluğu, çox su içmə, çox sidiyə çıxma və çəki itirmə problemi varsa, burada Tip 1 diabet xəstəliyi, yəni şəkərli diabet xəstəliyi və şəkərsiz diabet xəstəliyi olma ehtimalı var. 

Eyni zamanda hər hansı bir yeri kəsilirsə və ya yara əmələ gəlirsə, yaranın yaxşılaşmağında gecikmə olursa, yaxşılaşmırsa, şəkərli diabetin əlamətləri sayılır.

Uşağınızda əgər boy qısalığı varsa, sonra çəkisində artım olmursa, bu da boy hormonu əksikliyinin əlamətləri ola bilər. Mütləq araşdırılmalıdır.

Uşağınızın saçları tökülürsə, dərisi çox qurudursa, çəkisində artım olmursa, yenə boynunda artım olmursa, mütləq qalxanabənzər vəz hormonları yoxlanılmalıdır və bir endokrin tərəfindən araşdırılmalıdır.

Əgər uşağınızın bədənində, müxtəlif yerlərində rənglərin tündləşməsi olursa, əsasən də bədəninin diz nayihəsində, dirsək nayihəsində və qatlanan yerlərində, bu Addison xəstəliyinin əlamətlərindən biridir.

Uşaq yeni doğulubsa və yenidoğulma dönəmində epilepsiya tərzi tutmalar keçirirsə, bunlara epilepsiya tərzi qıcolma, yaxud “sudurqa” deyirlər. Bu da hiperinsulinizm xəstəliyinin, yəni insulin miqdarının çox olmasının nəticəsində baş verir və ya başqa səbəblərdən olur.

endokrinoloq Gülay Məmmədova 

Aztibb.az