Açıq ürək əməliyyatı hansı xəstəliklərdə icra edilir? 
20.09.2021 14:36
Bu gün açıq ürək əməliyyatının alternativləri mövcud olsa da bəzi xəstələr üçün bu əməliyyat məcburi ola bilər. Açıq ürək əməliyyatı ürəyi birbaşa görərək edildiyindən bir çox önəmli üstünlükləri mövcuddur.
 
Aztibb.az xəbər verir ki, ürək-damar cərrahiyyə uzmanı Cabir Gülmalıyev bu barədə maarifləndirici məlumat paylaşıb.
 
Açıq ürək əməliyyatı hansı xəstəliklərdə icra edilir:
 
- Ürək ritm pozğunluqları
- Anadangəlmə ürək problemləri
- Ürək çatışmazlıqları
- Ürək qapaq darlıqları
- Ürək dəlikləri
- Arterial damar yırtılmaları, deformasiyaları
- Ürək törəmələrinin müalicəsi
 
Həkimin sözlərinə görə, bir qədər yaşlı pasiyentlərdə açıq ürək əməliyyatı icra edilməyə bilər. Lakin digər hallarda təcrübəli əllərdə icra olunan açıq ürək əməliyyatları son dərəcə təhlükəsizdir.
 
Cabir Gülmalıyev qeyd edib ki, açıq ürək əməliyyatı sonrası pasiyentlər bir müddət reanimasiya şöbəsində tənəffüs aparatına qoşulu vəziyyətdə qalırlar. Burada təzyiq, ürək ritmi, oksigen səviyyəsi daima nəzarət altında olur.
 
"Açıq ürək əməliyyatları sonrası ən yaxşı sağalma prosesi "erkən mobilizasiya" adlandırdığımız xəstənin nə qədər tez ayağa qalxması və yeriməsidir", - deyə həkim bildirib.