Gələcək ailənin təməlini heç kəsdən geri qalmadan yaxınlarınızla əylənərək, adəti üzrə yerinə yetirmək tək məsələ deyil, evlənmədən öncə hər iki tərəfin sağlamlıqlarıyla bağlı hər hansı probleminin olmaması daha vacibdir.

Ümumiyyətlə, hər kəsin ildə ən azı bir dəfə ümumi həkim müayinəsindən keçməli olmasının vacib olduğunu artıq hər kəs bilir. Eləcə də, ailə quracaq iki fərdin də evlilik öncəsi müayinədən keçməsi onların gələcəyi üçün çox önəmlidir. Həm kişi, həm qadın gələcək sağlamlıqları, övlad istəyi olacaqsa problemsiz şəkildə hamiləliyin baş verməsi və digər səbəblərə görə müayinə olunmağın əhəmiyyətinə varmalıdırlar. Sağlamlıqlarında problem varsa, məlumatlı olsalar xəstəliyi vaxtında aşkar edib aradan qaldırmaq üçün müəyyən zamanları olar.

Hər iki fərdin ortaq olaraq nihakdan öncə verməli olduğu mütləq analizlər olduğu kimi (hemoqlobinopatiyalar ,İİV-QİÇS, sifilis xəstəlikləri), ayrı-ayrılıqda da müayinələrdən keçməkləri məsləhətdir. Kişilər üçün androloji, qadınlar üçün ginekoloji müayinələrdən başqa cütlük istəklərinə görə genetik analizlər də verə bilirlər.

Uşaq sahibi olmaq isdəyən cütlüklər cinsi infeksiyalar, spermoqramma və ginekoloji müayinədən öncədən mütləq şəkildə keçməlidirlər. Ailənin təməli sevgiylə bərabər sağlam bədən və ruhla qurulmalıdır.

uroloq-androloq Seymur Mehtiyev

Aztibb.az