Dünyada hər iki qadından birində bu xəstəliyin ən azı ilkin əlamətləri var. Söhbət süd vəzinin xoşxassəli xəstəliyi – mastopatiyadan gedir. Mastopatiya termini altında 30-a yaxın sinonim birləşdirilir — süd vəzisinin displaziyası, süd vəzlərinin dishormonal hiperplaziyası, fibroadenomatoz, Şimmelbuş xəstəliyi, xroniki kistoz mastit, mazoplaziya, kistoz mastopatiya, mastodiniya və s.

Əgər menstruasiya öncəsi döşdə ağrılar, həcminin böyümə, yüngül şişkinlik kimi hallar olubsa, siz artıq risk qrupundasınız. Hər bir qadın, mastopatiyanın müalicəsini və profilaktik tədbirlərini bilməlidir. Həmçinin bu xəstəlik digər ciddi xəstəliklərin (onkoloji xəstəliklər də ola bilər) yaranmasının fonu ola bilər.

Süd vəzinin digər xəstəliklərinə nisbətdə mastopatiya qorxulu xəstəlik deyil. Vaxtında həkimə müraciət edildiyi halda, çox uğurla müalicə olunur. Adətən mastopatiyanın əlamətləri dövrü xarakter daşıyır- menstruasiyaya 10 gün qalmış. Buna görə də, qadınlar bu əlaməti çox vaxt dövrü ağrılar kimi qəbul edib ciddiyə almırlar.

Adətən süd vəzində ağrılar, formasının dəyişməsi ilə müşaiyət olunur. Bu xəstəlik reproduktiv yaş dövründə olan qadınların 60-90% də rast gəlinir.

Əgər sizin ana tərəfdən qohumlarınızın süd vəzilərində xoşxassəli və ya bədxassəli şişlər olubsa, sizdə endokrinoloji xəstəliklər varsa, tez-tez stress keçirirsinizsə, artıq çəkiniz varsa, yaş 40-ı keçibsə, abort və ya hamiləliyin yarıda kəsilməsi halları olubsa, 30 yaşa qədər doğum halı olmayıbsa, siz doğuşdan sonra uşağı əmizdirməmisiniz, və ya qısa dövrdə, ya da iki ilə yaxın dövrdə əmizdirmisinizsə, bütün bu hallarda risk qrupundasınız.

Həkim sizi vizual müayinə edərək, süd vəzilərinin ultrasəs müayinəsindən keçirəcək. Həmçinin endokrinoloji müayinə və mədə bağırsaq traktının müayinəsi də mümkündür. Əgəgr “mastopatiya” diaqnozu təsdiq olunsa, həkim müalicə təyin edəcək. Sizi qorxuda bilən ən pis hal isə, cərrahi müdaxilə və ya hormonoterapiya ola bilər. Lakin xəstəliyin ilkin mərhələlərində, müalicə metodları sadə və çoxsaylıdır.

ginekoloq Sevinc Əkbərova

Aztibb.az