Azərbaycanın ən GƏNC tələbəsi ATU-da təhsil alacaq
08.09.2021 14:31
Məlumdur ki, cari ildə Azərbaycanın ali məktəblərinə qəbul olmaq üçün təşkil edilmiş imtahanların nəticələri açıqlanıb. 
 
İmtahan verənlər arasında minlərlə abituriyent Azərbaycan Tibb Universitetinin (ATU) tələbəsi olub. Aztibb.az xəbər verir ki, cari ildə Azərbaycanın ən gənc abituriyenti də məhz ATU-ya qəbul olub.
 
O, Goranboy rayon sakini, 15 yaşlı Həmid Səfərlidir. H.Səfərli Tibb Universitetinə 602 balla daxil olub.
 
Qeyd edək ki, Həmidin bacısı da 632 balla ATU-ya qəbul olub.