Adenoid immunitet sisteminin bir hissəsidir və lenfoid toxumalardan ibarətdir. Onun vəzifəsi burundan daxil olan mikrobları tutmaq və bədənə mikroblarla mübarizə aparmağa kömək edən antitellər istehsal etməkdir. Ümumən bədənin müqavimətində və immunologiyasında rol oynayırlar.

Burun əti isə burun bölgəsində, burun keçidinin arxasında yerləşir. Badamcıqlar kimi ağızdan baxaraq adenoidləri görmək mümkün deyil. Müxtəlif tibbi görüntüləmə və ya sadə endoskopik üsulla müayinə edilə bilər.

Adenoid anadangəlmə bir orqandır. Uşağın 6-7 yaşlarında ən böyük ölçüsünə çatır və bu yaşlardan başlayaraq getdikcə kiçilir. Yetkinlərdə adenoid yoxdur və ya çox kiçikdir.

Adenoid şikayətləri nələrdir?

Anadangəlmə bir orqan olduğu üçün demək olar ki, bütün azyaşlı uşaqlarda adenoid genişlənməsi olur. Böyümüş adenoidlər simptomlara səbəb olarsa, anormal sayılmalı və müalicə edilməlidir. Adenoid burun tənəffüsünün pozulmasına gətirib çıxarır, əsas şikayət bundan ibarət olur. Ümumi şikayətlər uzun müddətli burun tıxanıqlığı, burun axması, xorultu, yuxu zamanı tənəffüsün dayanması, iştahsızlıqdır.

Uşaqlarda adenoid səbəbiylə təkrarlanan sinüzit və orta qulaq infeksiyaları görülə bilər. Orta qulaqda maye yığılması da görülə bilər ki, bu da eşitmə zəifliyinə səbəb olur. Eşitmə zəifliyi uşaqların danışma inkişafında və sosial bacarıqlarında geriləmə ilə nəticələnir. Yuxulayan zaman tənəffüsün dayanması və xoruldama qarın içi təzyiqi artıra bilər ki, bu da daxili narahatlıqlara səbəb olur. Nəhayət, uzun müddətli ağız tənəffüsü üzdə və dişlərdə deformasiyaya gətirib çıxarır.

Dr.Cenk Evren

Aztibb.az