Həkimlər valideynlərin uşaqları gün vurmasından, hovuz infeksiyalarından, yaz ishalından və istiliklərin yüksəlməsindən qaynaqlanan digər xəstəliklərdən qorumaq üçün bəzi tədbirləri görməyi tövsiyə edir.

Aztibb.az xəbər verir ki, teperaturun artması ilə mikroblar səthlərdə və qidalarda daha asan çoxalır. Bu, uşaqlarda ishal və qusmaya səbəb olan yoluxucu xəstəliklərin yay mövsümündə daha tez-tez görülməsinə səbəb olur.

Xüsusilə uşaqlar günəşin yan təsirlərindən çox əziyyət çəkirlər. Uzun müddət günəşin altında qalan uşaqlar isti mühitdən uzaq, kölgəli və sərin bir yerə aparılmalıdır. Uşaq tez-tez yuyundurlmalı və dərisi lasyonla təmizlənməlidir, güclü qaşınma halında həkimə müraciət edilməlidir.  

Ən geniş yayılmış  infeksion xəstəliklər əl, ayaq və ağızda yaraların əmələ gəlməsi, ishal, qulaq, göz və sidik yolu infeksiyalarıdır.  

Xüsusilə körpələri həşərat sancmalarından qorumaq üçün ağcaqanad torlarının istifadəsinə üstünlük verilə bilər.