Günəşi sevsək də, ona çox maruz qalmağımız dərimizə ciddi ziyan vurur. Buna görə də yayın gəlişi ilə qırışlar, qəhvəyi ləkələr və dəri yanıqları problemi üzə çıxır.

Aztibb.az xəbər verir ki, dermatoloqlar günəş şüalarının zərərli təsirləri barədə xəbərdarlıq edib.

Dəriyə rəng verən hüceyrələr, yəni melanositlər dərinin üst qatında yerləşir. Melanin normal olaraq qaradərili insanlarda çox, ağ dərili insanlarda isə az istehsal olunur. Bu, insanlar arasındakı dəri fərqlərində açıq şəkildə görülür.

Həmin rəngli piqmentlər dərini bir paltar kimi örtür və onu günəşin zərərli təsirlərindən qorumağa çalışır. Bu vəziyyət bizə fərdlər arasındakı qaralma fərqlərini də göstərir.

Qaralma əslində dərinin zərərli günəş şüalarına qarşı bir müdafiə mexanizmidir.  Günəş ləkələri günəşə məruz qalan dəri bölgələrində görünən qəhvəyi ləkələrdir.

Dəridəki ləkələrə yalnız günəş deyil, həm də yaralanmalar, sızanaqlar, kosmetik məhsulların istifadəsi, həmçinin hormonal dəyişikliklər, genetik meyl və istifadə olunan bəzi dərmanlar da səbəb ola bilər.

Bu səbəbdən insanlar sağlam şəkildə qiymətləndirilməsi üçün mütləq bir dermatoloqa müraciət etməlidirlər.

Günəş ləkələri dərinin qocalmağının ən vacib səbəblərindən biridir. Günəşə uzunmüddətli məruz qalma dəri yaşlanmasına gətirib çıxarır.  

Günəşin zərərindən qorunmaq üçün gündəlik pambıq, nəfəs ala bilən və açıq rəngli paltarlara üstünlük verilməli, sağlamlıq normalarına uyğun günəş eynəyi seçilməli, günəşli saatlarında dəri birbaşa günəşə məruz qalmamalıdır.  

Bundan başqa, qoruyucu kremlər də vardır ki, onlardan istifadə etmək faydalıdır.